Met die uitreiking van Suid–Afrika se mees populêre pop/rock groep Eden se nuwe album, Knieë Lam , in April 2008 was dit presies wat gebeur het, - lam knieë. Hulle harmoniese melodieë, oorspronklike lirieke, toewyding tot die hoogste kwaliteit van internasionale standaard en besonderse stemme laat hulle uitstaan bo die res.

Knieë lam beloof om in die voetspore te volg van hulle vorige twee uiters suksesvolle albums, “ Point of no return'' en “EDEN'' .  (Hierdie album het in die eerste maand van uitreiking platinum status bereik.)

 “ Point of no return''  het platinum status bereik en het ook ook 3 SAMA nominasies ontvang.

Die drie dinamiese manne se tweede album “ EDEN” het ook gesorg vir verskeie toekennings - dubbel platinum status, 3 SAMA nominasies waarvan een gewen is vir beste Pop Album asook twee  Huisgenoot Tempo toekennings vir beide Gunsteling Popgroep en Gunsteling Pop album. Dié album het ook die Vonk Toekenning vir beste Groep Album en die MK Toekenning vir die sexyste groep vir Eden ingesamel.

Wanneer mens na die omslag van die album kyk, mag mens dink dat EDEN se status as Suid–Afrika se beste pop/rock groep toegeskryf kan word aan voorkoms. Begin jy egter luister na die 14 liedjies op die album ( 9 Afrikaans en 5 Engels)  besef jy dat hulle geseënd is met uitsonderlike talent.

Hulle oorspronklike materiaal kom uit die pen van die talentvolle Johan Vorster en Ewald Coleske.  Johan is bekend vir die treffers wat hy geskryf het soos o.a. “ De la Rey'' , “ Ons vir jou Suid- Afrika'' en dan ook die meer onlangse “ Jy soen my nie meer nie'' wat spesiaal vir Lianie May geskryf het.

Eden skryf hulle sukses toe aan ongelooflike ondersteuning van die publiek en media in Suid- Afrika en dan natuurlik die feit dat hulle saamwerk met die beste in die bedryf, Coleske Artists.

Eden se sensasionele nuwe album, Knieë Lam, is `n moet vir oud en jonk – nou beskikbaar by musiekwinkels landwyd,

Vir meer inligting oor Eden en hulle optredes - besoek
www.eden-band.com