Boetietjie het eendag langs die grootpad opgedaag. Op ‘n manier wat niemand anders nog ooit sy eerste lewenslig aanskou het nie. En nou is hy weer terug waar hy begin het. Met'n nuwe droom propvol bokse, voete en oë......

Sanger, kabaretkunstenaar, akteur en kunstejoernalis Willie Strauss, is terug met ‘n splinternuwe produksie - “DIE DUIWEL DRA CROCS “.

Die Crocs deel verwys natuurlik na die hoogmode, helderkleurige gemakskoene wat nou deur een en almal gedra word. In dié unieke teatergebeurtenis, word toneel en musiek uit Willie se vier suksesvolle cd's vermeng tot ‘n solostuk propvol humor, fynspot, patos en verhaal verrassings. DIE DUIWEL DRA CROCS, vertel die hartwarm storie van hoe ons almal een of ander tyd met die verlede gekonfronteer word.

In DIE DUIWEL DRA CROCS, vat Boetietjie se lewenspad, wat op ‘n ongewone manier begin het, hom terug na waar hy werklik hoort... In sy nuwe avontuur, propvol Crocs skoene, en Specsavers brille beleef hy weer die unieke humor, aardse wysheid, intelligensie, fyn nuanses en baldadige eksentrisiteit van ‘n kleiner gemeenskap, waar vooruitgang en verandering nie sonder eg menslike nukke en halstarrigheid gebeur nie !

DIE DUIWEL DRA CROCS is vars, uniek, oorspronklik, vermaaklik en slimskerp. Die teks is geskryf deur bekende aktrise Lizz Meiring, met regie deur Johan van Rooyen. Die musikale regisseur is Benjamin Botha.

Die produksie is moontlik gemaak deur die borge Crocs en Spec Savers – Pretoria Noord.